★ 恭賀林淑慧老師通識課程「台灣小說選讀」榮獲教育部顧問室101學年度第1學期現代公民核心能力課程計畫補助！參見：現代公民核心能力養成計畫。

★ 本系碩士班陳豐惠擔任電影「女朋友。男朋友」台語指導！心情分享詳見下文。

文∕碩士班陳豐惠 (李江却台語文教基金會總幹事)

毋是第一擺協助電影導演教演員講台語，m̄-koh這擺khah趣味--ê就是這个會曉講台語ê導演tùi別个導演hia探聽著我是高雄人，特別請我ài教演員「高雄腔」ê台語！

Tsiânn十冬前bat替黃玉珊導演教電影「南方紀事之浮世光影」男女主角Freddy、張鈞甯「澎湖腔」ê台語，因為hit齣是teh講澎湖藝術家黃清埕先生ê故事，真濟tī澎湖ê場景；Hit時演員「哀哀叫」，一个是本底就無啥會曉講台語，一个是真bē慣勢講hit款腔。練到路尾，演員tiāⁿ bē記得海口特殊聲調（第二聲ê變調變做中升音），kan-ta會記得「你」ài發音「lú」（其實是「lṳ́」，母音ê喙形bē慣勢，走tshuah--去）niâ；這擺指導了無算kài成功，m̄-koh由草根出版公司出版ê電影劇本冊，照演員發音來處理文字，講日語--ê拍日文，講華語--ê就拍華文，講台語--ê當然ài拍台文囉（我負責處理漢羅台文ê部份），thang講是破記錄台灣頭一本完全字照音寫ê劇本冊。

「女朋友。男朋友」電影描寫幾个高雄囡仔tuì高中到中年大概三十冬歲月ê故事，導演兼編劇ê楊雅喆進前有一齣真出名ê電影「冏男孩」，伊tsiânn想beh做一齣講台灣80、90年代ê電影，因為伊感覺hit个年代ê台灣相對tsit-má來講真有熱情活力，m̄-tsiah會寫《女朋友。男朋友》仝名小說自編自導。電影四位主要演員桂綸鎂、張孝全、鳳小岳kap張書豪，有三位是一般所講ê「外省」第二代，一位是a-nóo-khooh（鳳小岳），講--來應該是beh學到台語講kah tsiok順無hiah簡單。

佳哉這四位演員比我本底所按算--ê koh-khah頂真骨力，2011年，前後大概三個月期間，tuì教台語羅馬字開始，kā in口白講台語ê語句台譯了後，一句一句教，koh錄音予in轉去聽，後擺來koh再驗收，咬字走精ia̍h是聲調無正確--ê koh再調整。其中，桂綸鎂有學法語ê基礎，發音真緊就掌握；鳳小岳本底就慣勢羅馬字，koh伊tī士林平等里彼箍圍仔生活幾若冬--ah，身軀邊有講台語ê同學kap厝邊，顛倒伊聲調掠了tsiânn準。張孝全kap張書豪兩位就有khah食力--小-可（sió-khuá），因為欠台語環境，長久蹛台北都會區，講規句ê台語ài死背，總--是in真用心，想空想縫iáu是kā背--起-來。其中有一句出現幾若擺ê台詞「激啥物梅仔面？」（翻華語就是『幹麼一副苦瓜臉啊？』）是楊導演ê主意，靈感對in阿母來，不止仔活跳趣味。

導演邀請我去台北特映會，電影看煞，我kā略仔膽膽（lio̍h-á tám-tám）ê楊導演比大頭拇，呵咾講電影好看、四位演員ê台語無予我掠包！檢采因為我ê青春歲月mā是tī hit个年代渡--過-ê，koh-khah有感觸。劇情有高中生對抗威權（80年代尾期）、大學生爭取民主自由（90年代初期），mā有三个演員前後倚30年友情、愛情ê牽kha̍p，真濟對感情kap慾望、人性幼膩ê描寫，予咱看電影ê時mā越頭看家己ê少年時kap心肝底暗藏tap纏ê心思。

這齣電影超過一半tī高雄取景，高雄市政府除了「拍片支援中心」全力協助以外，uan-na有補助寡經費，電影公司特別tī高雄舉辦首映kap幾場特映，tī高雄首映會了後，我kā楊導演建議未來發行DVD ê時，會使tī台語口白ê部份做台文字幕，楊導演答應講beh kā電影公司爭取án-ne做。

認真ê導演知影需要請語言指導來雕琢（tiau-tok）演員ê語言，咱看日本ê時代劇lóng會有語言指導，m̄-koh，tī台灣ê電影，劇情是寫現代這三十年ê代誌，iáu需要有語言指導，就thang知影咱台灣母語ê失落到啥物程度--ah。另外一个角度看，thang「樂觀」--ê是，咱台灣語文學系若注重學生台灣母語ê語文訓練，逐家卒業普遍有受肯定ê台語文應用ê能力，凡勢thang期待未來tī大眾傳播ia̍h是影劇界有需要台語人才、台語顧問ê時，lóng會來咱tsia相爭求才--ah。

右上圖：對倒爿算起，張孝全（男主角）、陳豐惠、楊雅喆（導演）、桂綸鎂（女主角）。

註：「女朋友。男朋友」電影8月初3上片。
「女朋友。男朋友」Facebook：http://www.facebook.com/girlfriendboyfriend2012。
正式預告片：http://www.youtube.com/watch?v=XzwVReweL_o。
預告片(台語練習篇)：http://www.youtube.com/watch?v=415hXqcCKtU&feature=relmfu。

參考資料：李欽賢、黃玉珊著，《南方紀事之浮世光影》（台北市：草根，2005年）。

文∕碩士班鄭家和

可能大家看見「拍破鑼」（台語）有點不解其含意，「拍破鑼」是不折不扣的歌仔戲行話，意思是指「演戲演到別的劇團去」，有支援、外調的含意存在。這回我受「國立台北藝術大學 歌仔戲社」邀約演出當家小生外，也改編了曾永義教授的劇本「三放蔘仙」，並重新安排、編寫角色及新增武戲橋段，重新命名為「戇人有戇福」，詼諧逗趣的內容，逗得在場的觀眾無不笑呵呵。

此檔演出的成員非常特別，除了有具備穩扎穩打的演出實力之外，更有「活戲」演出的能力，演員雖然都是學生，但皆曾在歌仔戲班演出過，熟悉外台戲的活戲表演方式。雖然匆促的數次排練可能導致忘詞的窘境，但演員們擅長運用活戲的「即興」演出方式，即使台上演出頻頻忘詞，也能及時編出押韻又有意義的唱唸口白。

雖然七月時節天氣炎熱，仍然無法動搖觀眾們的心，在這台北「戲窟」之一的大稻埕演出，精湛、活潑的演出方式獲得觀眾們的喜愛與熱情回應，演出完畢時，還有觀眾跑來想要「請戲」，令人感到非常新奇。

影音欣賞：http://youtu.be/BDN4TNkeqIY（曲調：代七字轉寒門秋月）

• 第七期專題： 主流之外的台灣文學：在語言、族群與媒體之間 (徵稿不限專題)
• 第七期徵稿期限：2012年10月31日
• 第七期發行時間：2013年4月
• 第七期執編：賀安娟副教授
  
  
• 《台灣學誌》為國立台灣師範大學台灣語文學系出版之學術期刊，訂於每年4月、10月出刊。
• 舉凡有關台灣文化、語言、文學、歷史、傳播、政治、社會變遷等台灣研究領域之學術性論文，均歡迎賜稿。
• 徵稿類型： 一般論文、專題論文、書評。
• 論文繳交須含紙本二份及電子檔一份。 繳交內容包含(一)論文全文、(二)投稿者資料表。
• 詳細徵稿訊息請務必參見本系網站「台灣學誌」專區：台師大台文系《台灣學誌》。